خيرت قلبي
الشاعرة / سلمى النجار
أتعذر بغيبتك واسال عن أخبارك
والصدق بي لهفه ياما بي أخفيها
مرات أفتح حوار وفيه نتشارك
قصدك تحاور .. وقصدي أهتني فيها
في كل لحظة و لحظة خافقي زارك
تسوى من اول حياتي لين تاليها
ومرات قدر استطاعة عقلي ادّارك
مشاعر ابدون شوري ودي أبديها
واحاول اثقل ولكن شفت تيارك
جرف أحاسيس قلبي مع ضواحيها
أغرقني إعجاب لكن ثورة بحارك
للحيره ارست مراكبنا بشاطيها
صحيح محتار .. لكن واجب اخبارك
فافهم حروفي وركز في معانيها
غمض عيونك وصفي كل أفكارك
بحكي عن الروح واغلب ما تعانيها
شافتك عيني ومنها نالت اسحارك
واصبحت من بين هذي الناس ماليها
خيرت قلبي واشوفه ذاب واختارك
بعروقه اصحبت تجري في مجاريها
بالروح حبي وعشقي شيّدو دارك
يا ساكن الروح تكفى لا تخليها
بالحيل احبك وراضي ابكل أخطارك
واتخيّل اي تضحيه ممكن أضحيها
هذا شعوري وكان القصد إشعارك
واحكي لك اشياء عنّك كنت اخبّيها
والحين لو كنت راضي حدّد خيارك
وان كاني اخطيت فيما قلت عدّيها
