نفذ صبري
بقلم/ مها الجهني
ورب البيت ماقد ضقت من حالي مثل هالليل
على كثر العطا والطيب ماحصلت ماجوبي
عطيت من الغلا لين الغلا قد فاض فيه الكيل
ولاعمري قسيت وهذا هو اكيد عذروبي
على كثر الجروح اللي عجزت القى لها تحليل
بكيت ولا سكت الا بعد ما ركعت جنوبي
غصون الوقت لامالت تميل بخافقي ويميل
وتلعب بي مشاريه الغرام اليا التفت صوبي
جروح الناس مابقت / وكثر القال ولا القيل
يتعبني لوانه ياخذ من اخطاي وذنوبي
يا ربي كثر هالدنيا تعبت ولا بقى بي حيل
نفذ صبري من اوجاعي وطالت خطوة دروبي
يا ربي قد ما تعلم عن اللي فالخفوق اشيل
تريحني من الدنيااا عن اللي ما توصوا بي
