زوايا

هز وجداني

هز وجداني

الشاعرة /نورة المطيري

كـل ما طـرت لي بقيفـان الشعـر فكره
ذكــــرت وجهــاً غرامــه هز وجــداني

ماهــو بقلبــي ترا اللـي بس محتكره
شعــوري وشعـري اللي فيه من داني

يعطيـه من خيـــره ويكفيـــه من شـره
في ذمتي لو سمع واحد من اخـواني

قصيـدي اللــي كتبتـه فيــه مـن فتـره
ليغيب زولـي عن الدنيــاء وينعـــاني

وتــروح روحـه معـي وينــزل بقبــره
ماودي اكتب غــزل مير الله اشقاني

لاتعذلونــي ترا قلبــي قضى صبـره
هو اللي يتحكــم بشعـرري وقيفـاني

لو اني اكتب رثــاء اخيـرها ذكره
يابعد عمــرري ترى من حبك أعاني

وادري انك اقوى بعد مني وتتشره
حسبي على ولد عمي كانه أذاني

قولوا له اني مابي له شوفه وعشره
لايـاقف بوجه حلـــم سنـين وأمـاني

هاذي حياتــي تـرى وبكيفـي وحـره
ماهو بغصب اخذك ياهوه غلطاني

روح الله يوفقــك مــافي يــدي دبـره
ويسعــدك ربي سعــاده لين تنساني

انا خفوقي عشق له شخص من صغره
متخيـــل اعيـش والله مع رجــل ثــاني

وشــلـون باخـون حبه واقبــل بكســره
وانـا ادري اني حلم عمــر يتمنــاني

من كثر قهــري احس بداخـلي جمره
ومن شافنــي شاف كل الهم بعيـاني

ياوجــد روحـي عليه اليــوم مو بكــره
وياجعلنـــي فـدوته مــابيه يفــداني

واللي ســال عن غـلاه وحبــه وقدره
حبه بقلبـــي ينــافس حـب شيباني

ولا الغــلاء مابعد اغليت احــد كثره
وقدره يكفــي ليـامن قلــت ميــزاني

من روس قــومٍ مع العــالم لهم شهـره
ماهو بحــي الله الا نسـل شيخــاني

وصدقني اللي انكتب ماقدر على نشره
بكـره بغنيه قـدم النــاس بلســـاني

واللي بقى ماشـــره وش ينتظر يشره
مــا هو مهـم وش يقـول افلان وفــلاني

 

مبادروة ملتزمون

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى