شريط الاخبارنبضة قلم

صدق المشاعر شعر : ربيعان مطر السعدي

شعر : ربيعان مطر السعدي

عضو جماعة وادي القرى للشعر

ياللي تشيل اللحن والصوت تطربنا
قلوبنا من هوى الخفرات منصابه

صدق المشاعر وحبل الود يجبرنا
للصاحب اللي تعذبنا من اسبابه

نجيك نشتاق وانته ماتعبرنا
ماتدري ان الزمان يدور دولابه

دونك عيوني ليامن غبت تسهرنا
قلبن يودك حرام انك تسلابه

تعال لاضاق صدرك وانت خابرنا
لاجار وقتك عليك وكشر انيابه

حنا على مانت خابر ماتغيرنا
القلب بيتك وشرع بالغلا بابه

عن لهفة الشوق والآهات دبرنا
قلب(ن)ذبحه الغرام بغيبة أحبابه

لولا غلاكم فلابه شي جابرنا
ياأجمل شذى الورد والريحان واطيابه

تدري وش اللي ليامن غبت قاهرنا
العين ماشبعت من الرمش وأهدابه

ياهيه وإن كان صدك طال فاعذرنا
مايذبح القلب غير الشوق لاصابه

الشاعر ربيعان السعدي

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق