الحدث الثقافي

قصيدة محمد جمعان ال خشيم/ يزهم عليهم لاغدا الوقت عاسر — حتى يشوف ان الدواسر صناديد

 

اعداد / صالح الحميدان – الحدث

قصيدة / محمد جمعان ال خشيم الدوسري

كل(ن)بربعه وين ماراح جاسر…….
يوم المثايل للنشاما مواريد

يرقى بهم رجم التخوم المعاسر. . ……
ويصافح العليا بطيب الاجاويد

وانا بربعي لابة الجود كاسر…….
بالدين والاخلاق ومنافح الصييد

كنز المثايل للمطاليق ٱسر….ً……
حدب الجرايد في تخوم السراهييد

خيالة الصفرا فياض المياسر  …….
في حزة الواجب عن الحق ماتحيد

وإيشوش راسي لاذكرت الدواسر…….
اللي العصا اذا وسموها تجي حيد

اللي لهم في الجود مد ومياسر….
وابساطهم يبسط ولا له تحاديد

شم الانوف الصاملين الكواسر……
زبن الدخيل موسمين المفاريد

خطل للايادي مروضين النواسر…..
عون القصير اذا تنازى به البيد

هم مسند اللي في حياته تعاسر…….
وهم محزم اللي اتعبته التناكيد

زهابهم في الرفق وافي وياسر…
وفراشهم من جودهم دايم يزيد

خصيمهم في حزة الضيق خاسر……….
وقت الملاقى.وفي المزاحم بواريد

من جودهم مايحسبون المخاسر……
للعود الازرق في فناهم زبابيد

ودايية الجيران روع المكاسر……….
في مزبن المنضام شم ومحاميد

صغيرهم في داهم الليل جاسر……….
يمشي بعزمه في تخوم الجراهيد

واللي يبي يعرف عزوم الدواسر……….
لاجا لهم في دارهم يحسبه عيد

يزهم عليهم لاغدا الوقت عاسر………
حتى يشوف ان الدواسر صناديد!!!!!

مبادروة ملتزمون

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى