أخبار منوعة

التقنين : للشاعر / محمد الشيباني

الشاعر / محمد الشيباني
بدى ليلي بمقطوعه حزينه وباقي التلحين
على وزنك واوتارك تكسرني وانا اجبر
يا خذني سواد الليل على أطراف من سكين
ويجرح قلبي الموال واشرح لك وتتكبر
اذا المشتاق ما اتقيد بدفتر لعبه التقنين
بيرمي خلفه الأعذار وتصغر لكن بيكبر
حبيبي يتقن اللعبه يغمض عين يفتح عين
اتوه بعين لكني بعين احس واتخبر
حقيقه واضحه لكن انا احتاج لتبيّن
واسال وش خفاياها ولاكل رؤيا تتعبر
تعبت اشكي له ظروفي واشرح له حياتي سنين
ملاني الخوف في الغربه جزعت ولكن اتصبر
واحن ولا بقى موطن حوى في داخله غالين
على الذكرى احس اصوات تناديني وانا اعبر
تبدل راعي الضحكه غدى من جمله الباكين
كفايه مابقى صادق كفايه اتعب وانا اقبر
كفايه اموات نذكرهم كفايه نجامل الناسين
كفايه نصدق الموعد على صفحة زمان اغبر
وإذا منك ذكرتني تراها لحظه التأبين
تعالي وادفني روحك وخلي بيننا اشبر

مبادروة ملتزمون

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق