الحدث الثقافي

انا صادق ….للشاعر / محمد الشيباني

الشاعر / محمد الشيباني

انا صادق مع الدنيا…. ومالي فالكذب مصلوح
اشوم بهامتي عنه…… وصدقي حارب انفاقي
يطيح الغير في وحله….. يشوف ان الكذب ممدوح
ضميري حي واركز له…… علم في هامه اخلاقي
واناصابر على الدنيا ……ولو قلبي عليها يفوح
زماني لو اوفي له…… سمومه تبغي احراقي
يغيب الغيم عن ضامي ……وجوارح في سماه تلوح
اخوض البيد واستسقي……. ولو تكسر بها ساقي
تمنو لي الغرق لكن…….. نجينافي سفينة نوح
واشوف الدايرة دارت ……على اللي تنوي اغراقي
وقف حظي وصافحني …….وانا عزمي كبير طموح
واشوف ابواب تفتح لي…….. ورقيت بسلم افاقي
بقى وجه يلاحقني ……..ينادي كل مابغى اروح
اعاند رغبتي مره ……..ومره اطاوع اشفاقي
‏خفوقي يطرب لصوته …….يحن لصوته المبحوح
يجاوب خافقي كله ……..ولعب في حسبة اوراقي
ظهر شوقي على وجهي…….. وبانت فالخدود جروح
بقايا آثار من تأثير……… لشوق داخل اعماقي
بكى قلبي على الفرقا ……..وبالي ازعجه بالنوح
دموعه بللت صدري…….. على اللي تنوي افراقي
غيوم الصمت تحجبني…….. بعدهاعن شعاع البوح
يمر العمر ياعمري……..اسير لباقي اشواقي

مبادروة ملتزمون

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى