نلهم بقمتنا
دنياك – منصة الحدث الإلكترونية عرض الموقع بالنسخة الكاملة عرض الموقع بالنسخة الكاملة
الحدث الثقافي

دنياك

الشاعر / محمد الشيباني

دنياك لاتغريك ياطيب الفال
تعيش ماتدري وش اللي بعدها

تصبح على حال وتمسي على حال
ولايوم اوفت للخلايق وعدها

تضحك وتغرينا ونبني للامال
وفي لحظة نبكي تعايش نكدها

احذر تجاريها على كل الاحوال
والا ترى بتشوفها امر وادها

وعند الفتن تحتاج لك رأي عقال
برأي الأصاغر ناس خسرت بلدها

ماينكب العالم سوى ناس جهال
أما جهل بالخلق والا حسدها

وبعض البلاوي خلت الوقت ميال
ناس تصاب فدين وناس فجسدها

والعافيه محد شرها بالاموال
والا شراها بمال شخص فقدها

ولله رحمه شامله كل الأجيال
منها تقوم الام تحفظ ولدها

والمعظله تلقى لها الفين حلال
ولاكل حلال يميز رشدها

ماكل راعي خيل بيكون خال
ولاكل من يبغى النوايف صعدها

وماهي الوجيه اللي تبين لنا رجال
ولاهي بقل امول وكثرة عددها

الفرق يوظح لك اذا جات الافعال
اما على الازوال لاتنتقدها

مثل الطيور نشوفها نفس الإشكال
وحده ولاكن تختلف في هددها

مبادروة ملتزمون

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى