نبضة قلم

يا للأسف ما به اجابه شافيه

الحدث : شاعر المليون : عدنان كريزم : 

الارض حنّت لين ما سالت دموع

تسقي من الذكرى عيونٍ غافيه

،

دافي شعور الناس من قبل الخنوع

لكن اذا طاحت .. مـ عادت دافيه

،

سلّحت قلبي لين لبّسته دروع

حتى يجي مثل القلوب الوافيه

،

لان الخيانه كـ الجريمه بالشروع

تقتل ولا عندك أدله كافيه

،

هذا وانا انسان حسّاس وقنوع

واقف على جرحي ورجلي حافيه

،

حزني خفيف السبت ويزيد الربوع

دامك اكلت الهم ..ما به عافيه

،

يا فاتنه مثل البدر حين الطلوع 

ي اللي على جمرك شعلت القافيه

،

كنتي جذور القلب و اغصان وفروع

الله واكبر كيف صرتي جافيه 

،

لو شفت بُعدك كيف سوّا بالضلوع

ما كان عينك .. يوم.. صارت صافيه 

،

ما كان دمعي ينتثر وسط الجموع 

اللي على صوتي اتتني لافيه 

،

مدري .. ظلام البعد يخلق لي سطوع؟

يا للاسف ما به اجابه شافيه 

،

خَلّي شموع الشوق يا راع الشموع

يمكن مع الايام تصبح طافيه

مبادروة ملتزمون

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى