زوايا

“حلم “

 

“حلم “

الشاعرة /سحر الشهري

هو للصدور أزرار ؟؟
ودي أفككها ..
وهو لِ اللسان أبواب ؟؟
ودي أصكّكها ..
تعبت من سمعي
وتعبت وآنا أخفيك في داخلي
من عام
وحكي البشر يوجع
وآنا على النيات
أدنى دناة الدون ينزل لها دمعي …

ما ودي اللابَك ..
وماني بمومن بالقدر لو مالقدر جابك ! ..
ودي أموت اليوم
لو القبر صدرك ، واتكفّن ثيابك ..
مالي صبِر عالبعد
وحكي البشر يوجع
وانا على النيات …

الليله الليله
بكت عيوني ” حِلم “
وكلٍّ تشمّت بي واخفى مناديله ..
وآنا جروحي خوف
وتطعن فؤادي العذب “عاداتهم” بسيوف
ياليتني مَ اسمع
أو ليتني ماشوف ..
حكي البشر يوجع ، وآنا على النيات …

لا ياخذوني منْك ..
مابي أموت من الوجع وآنا أتحكّى عنْك
برضى جهنم فيك لو غيرك الجنّه !! ..
وباموت “أحبك” غصب عن مذهب السنّه ..
دام العيون أحباب
ودام اليدين أحباب
ودام القلوب أحباب
ماللعشق أحزاب ..
وما فيه شرعٍ بالهوى
نقعد ونستنّه !!

مبادروة ملتزمون

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى