زوايا

( الحنين المر )

( الحنين المر )

 

بقلم الشاعرة / شظايا الشمس

بين جرح القلب واوجـاع  الغيـاب
ممسيه ليلـي علـى رجـوى لقـا

ارسم اكفوف الغرام بلا خضـاب
وارتـق فتـوق الامانـي واهـقـا

احضن الغربه واسولف للسحاب
وكل ماطاح الغلا فينـي … رقـا

حاجتي لك ترتوي ضوح السراب
والحنيـن المـر لعروقـي سـقـا

في غيابك مااهوجس  بالصـواب
وتنقلـب دنيـاي قشـرا ومحـقـا

اكتب بدمعي على وجـه التـراب
من حياتي لافقدتك .. وش بقا؟!

بينـي وبيـن الفـرح مليـون بـاب
صرت انا والهم والحـزن اصدقـا

وليلي المظلم كسب فيني ثواب
يستـر الدمـعـه بعيـنـي  لالـقـا

تعزف ضلوعي نغم نصفه عذاب
ونصفه الباقـي معنـون بالشقـا

والصبـاح اللـي تنفـس بإرتـيـاب
خاف يلمح حـزن فينـي ،، واتقـا

بين صمت يفتـش ببعـدك جـواب
وبين عشقٍ جا على وضـح النقـا

انتظر لحظـه لهـا المعلـوق ذاب
لحظةٍ تقبل وتحيي .. مـا .. بقـا

( ارحـــــــــــبـــــــــــي  ).

( ارحـــــــــــبـــــــــــي  ).

( ارحـــــــــــبـــــــــــي  ).

صــوتٍ مـعــه نـبــره عـتــاب
سمعتـه .. غصـب .. رديـت :

( الــــــــبــــــــقـــــــــا ).

 

مبادروة ملتزمون

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق
زر الذهاب إلى الأعلى
إغلاق
إغلاق