زوايا

قطع سُكّر

 

 

 

 

 

قطع سُكّر ….

 

الشاعرة / سحر الشهري

يابايع /
سوّ لي بوكيه
وغلّف فيه
أمل أحمر *
وشكّل لي شوية حظ
ومعطر ،
بريحة راحلين قدام
سوالفهم قطع سكّر ..*
يابايع
إسرق من الليل /
بدر ونجمتين صغار
اسمع منهم الاقدار
وعَرف آنا : وش اعني له
و لا عاد أنوجع واغار !!
يابايع
بيع لي أنفاس
اذا ضاقت بي / اشهقها
وليل آخبّي نفسي فيه
اذا ملّت كلام الناس
وصار البعد يحرقها ..
وابي غيمه
عن احزاني تظللني
واشعة شمس تحضني
اذا جافوني احبابي
وصار الوقت يظلمني *
يابايع بيع لي
شباك : اشوفه منه
اسولف له واغنيله
واذا ضاقت بي الدنيا
اضم ايديه وابكي له /
ولرحل عنه
يابايع
ياااه كم لي منه ؟
يا بايع
بيع لي بسمه
اذا صار الشقى يمي
تكفيني ملام الناس
وتخفي عنهم همّي
يابايع
بيع لي موعد
سوالف عاشقين جداد
وعمرن
كلّ ايامه زغاريد وفرح
واعياد
وابي ريشه ومحّايه
الون فيهم اللي جاي
بأيامي
وارسم جنبها أحلامي
واذا الله راد / أحققها ..
يا بايع
قرّب أحكيلك !
يا بايع
ماعبر دكّانتك شرّاي
في ليلك !! ..
سرق قلبك من ضلوعك
وهاجر …
ماوفاك حساب !!
وراح بسكّة الغيّاب ..
ومضيت العمر تبكي له
وتطريه بمواويلك *
ويطري لك !
إذا غمّضت أهدابك ؟
وصار الشوق يتمخطر
على بابك..
وصرت تشوفهم أوهام
على بيبان دكّانك
وتحيا فيك أحزانك!!
وجا صعلوك في ليله
معه شرّاي ..
يشبه راحلين قدام
خذَتهم من يدك الايام
و حطّتهم بيد غيرك …
يابايع
وارتحل طيرك
و لا اهدتك السنين ضماد
ولا جا يوم وقالو / عاد
وتأملت الزمن
يهديك / شويّ أنفاس
تشهقها *
وليل تخبي نفسك فيه
اذا ملت كلام الناس
وصار البعد يحرقهاا !!
وتتمنى لو يعود الزمن
لحظه
ولو تحكي معاك عيون
تضحك وما تصدّقها !! ..


يَ بايع
ماحصل في يوم /
وحزنك دام …
وصار العمر
ياخذ من يدك الاحلام
ويرميها كثير بعييييد
منّك مايقرّبها …
يَ بايع


آآه .. ما اصعبهاا !!!

مبادروة ملتزمون

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى