غربة ارواح
بقلم
الشاعر/ عبدالله العصيمي
المساء يحـرق قلوب الصـامتين
لاغدت بين المفـــارق – والسهر
غــربة ارواح وبقـــايا من حنين
واستغــاثة وصــل عـدّى واندثر
ياشتــات احـلامنا – متجمّـلين
بالســكوت وكــل مافينـــا صبر
ما استلــذّ بصمتنا غيـر الأنين
نشهــق الغـــربه وتزفــرنا جمر
الملامـــح كنّهـا بعــض السنين
لا زفـر صــدر الهجير بلا مطر
والغيــاب اللــي جعلنا راحـلين
ليته يقـــدّم عن الغـــــربه عـذر
صاحبـي وان لوّحت يمّـك يمين
لاتبسّــــم وانت يمّــي منّكـسر
اذرف لبـــوح المشــاعر دمعتين
يمكــن ذنــوب المفـــارق تنغفـر
واترك آمانك معي في حاجتين
هي : ملامحك وبقايا من شعر
آآآه والآهــات في قلب الحزين
زلزلت من قوّهــا ضلوع الصدر
كلّي بحــاجه لجــرعة أُكسجين
ماني بـ محتــــاج للفـــرقا عمر
