!! شمس الغروووب !!
بقلم/ عواض بن راجي
ياخفوقي علامك نوب تهدا ونوب
كن وسطك جموعن تقرع اطبولها
والله اني ماالومك يوم اشوف القلوب
الكذوبه تغر النااس في قولها
وانت والله مانته في شعورك كذوب
مخلص/ن بالمحبه تتبع اوصولها
وجد حالي ليا ناظرت شمس الغروب
دالفه في بحرها والشفق حولها
مكتسي خدها الناعم زيادة شحوب
بعثرت لون الارض بعرضها وطولها
كنها ضايقت خاطر تلووم الشعوب
ليه ضرت جماال الكون بفعولها
ذكرتني و كيف أنسى وأجنب وأتوب
والثوااااني تعرض لي بمرسولها
