( قالت بدر )
الشاعر/بدر فاضل
قالت بدر لون الغنا أزرق ….. هيجن ولو مرة على شاني
قلت أبشري تو القصيد أورق ….. من حسنك الطاغي تمثناني
واللول من فمها بدأ يشرق….. وآضيع كلي .. لين تلقاني
ما هي حرامية ولا تسرق ….. إلا إذا قامت… تحداني
ترعد سوالفها .. ولا تبرق ….. إلا على ضوحي وضياني
ضحكاتها العذبة غدت مفرق ….. تكتب تفاصيلي وتقراني
فستانها سندس على استبرق….. أول حلاها يسرق الثاني
سلسالها تعرق ولا يعرق ….. من ملحها يشرب ويضماني
بن الكلام بصوتها يفرق ….. لو ما تقهويته … تقهواني
معذور لو شعري بها يغرق ….. حاولت أوصفها ولا أمداني
