الحدث / وسيلة الحلبي
يهدي الشاعر منصور العنزي قصيدته ” الجو.. زان” إلى صاحب السمو الملكي الأمير عبدالله بن سلطان بن ناصر بن عبدالعزيز أل سعود ويقول فيها :
الجو زان وصاغ فكري قوافيه
ولا همني حكي القفى والنميمة
أشوف هذا الوقت كثرة بلاويه
يالله بخيرٍ يسقي الارض ديمه
الشعر بن وهيل عندي معانيه
وسوقها لأهل العقول الفهيمة
وللاش وابن اللاش خابت مساعيه
البعد عنهم يالسنافي غنــيمة
اركب على جيبٍ بعيده هقاويه
للكزس ومدحي فيه ماهو ضليمه
غالي ولا يقبل به السوم راعيه
عنده ترى السومة بحقه جريمة
مافيه موتر بالمواتر يبـــاريــه
وسط المدينة وإلا براضن هشيمه
اليا نطحته قدم وان جيت قافيه
يطري على جسم المذيعة حليمه
يسعد من هو طارته بين إيديه
يقدم ولو كان العواقب وخيمه
ومــعك خــويٍ ما يغيــر مبــاديه
ابن الرجال أهل الشرف والحشيمة
خوي جنب حظ من يعتزي فيه
لأنه كريم ومن اصولٍ كريمة
ابن الشيوخ اللي اليا جيب طاريه
تأفف لــه كبر العرب مستقيمة
عبد الله بن سلطان والاسم يكفيه
ما تجهــله غير العقول الغشيمة
جده أخو نوره ماخابة مغازيه
وحـد حــدود المملكة بالعزيمة
واختامه مني سلامي ابـثنيه
لأهل العقول الرجحات الفهيمة
